Orðsifjafræði er rannsókn á uppruna orða. Þó að sum Vasaskrímslanöfn séu nokkuð augljós, þá eru mörg þeirra tyrfin og eiga sér óljósan bakgrunn. Þau geta verið dregin af einföldum dýratengslum eða vísað til flókinna vísindalegra hugtaka, sögulegra atburða og goðsagnakenndra vera.
Á þessari síðu er uppruni þýðinganna á nöfnum Vasaskrímsla rakinn og útskýrður. Taflan hér að neðan inniheldur skýringar og skýringartilgátur um uppruna og söguleg vensl íslenskra heita Vasaskrímslanna og orðmynda þeirra, jafnt úr fornu máli sem og úr nútímaíslensku. Þegar nánari útskýringa er þörf er hægt að smella á orðin í textanum.
Ef þú tekur eftir einhverjum villum eða finnst eitthvað vanta, láttu endilega vita með tölvupósti á ordsifjafraedi@vasaskrimsli.is.
Fyrsta kynslóð
| Númer | Nafn | Upprunaorð | Þýðing | Enska |
|---|---|---|---|---|
| 1 | Laukeðla | Lauk–eðla | Laukur: Norrænt orð, fjölær planta, nytjajurt af laukætt (sbr. bulb). Eðla: Skriðdýr með langan hala (sbr. saur úr grísku sauros). | Bulbasaur |
| 2 | Netlungur | Netl–ungur | Netla: Jurt af netluætt sem brennir (tengist Ivy sem er klifurjurt/eiturjurt), Brenninetla. -ungur: Oft notað um afkvæmi eða eitthvað smátt, eitthvað sem hefur lifað í fá ár | Ivysaur |
| 3 | Arfagálkn | Arfa–gálkn | Arfi: Illgresi/jurt af hjartagrasaætt (vísar í plöntuhlutann), Haugarfi. Gálkn: Fornt orð yfir ófreskju eða skrímsli (t.d. finngálkn). | Venusaur |
| 4 | Glóðmandra | Glóð-mandra | Glóð: Lifandi kol, eldur sem leynist (sbr. char). Mandra: Stytting á salamandra. Í þjóðtrú var talið að salamöndru-eðlur gætu lifað í eldi. | Charmander |
| 5 | Kameldljón | Kam-eld-ljón | Kamelljón: Skriðdýr sem skiptir litum. Eld: Orðinu eldur er skotið inn í orðið til að vísa í brunann (Kam-eld-ljón). | Charmeleon |
| 6 | Bálormur | Bál-ormur | Bál: Mikill eldur, kestur. Ormur: Í fornu máli var orðið oft notað yfir dreka eða slöngur (sbr. Lyngormur). | Charizard |
| 7 | Sprautill | Spraut-ill | Sprauta: Að senda vökva af krafti. -ill: Smækkunar- eða gælending (sbr. snigil eða pési). Vísar í smæð og vatnið. | Squirtle |
| 8 | Skjaldborgari | Skjald-borgari | Skjaldborg: Varnarveggur úr skjöldum (hernaðarheiti). Borgari: Íbúi eða sá sem býr í „borginni“ (skelinni). | Wartortle |
| 9 | Brynbaka | Bryn-baka | Brynja: Hlífðarföt, herklæði úr málmi. Baka: Stytting á skjaldbaka. Skrímslið er brynvarin skjaldbaka. | Blastoise |
| 10 | Lirfingur | Lirf-ingur | Lirfa: Ófullkomið þroskastig skordýrs. -ingur: Viðskeyti sem táknar oft uppruna eða smæð. | Caterpie |
| 11 | Púpisti | Púp-isti | Púpa: Hylki sem lirfa myndar utan um sig áður en hún verður fluga. -isti: Ending (oft notuð um menn/fög), hér líklega til gamans eða persónugervingar. | Metapod |
| 12 | Frírildi | Frí-rildi | Frí: Laus og liðugur, frjáls. Fiðrildi: Skordýr. Orðaleikur: Hljóðlíking við fiðrildi en „fið“ er skipt út fyrir „frí“. | Butterfree |
| 13 | Nálgur | Nál-gur | Nál: Oddmjótt verkfæri (vísar í broddinn). -gur: Ending dregin af orðum eins og maðkur eða vargur. Orðaleikur: Hljóðlíking við Njálgur. | Weedle |
| 14 | Hýðingur | Hýð-ingur | Hýði: Hylki, hams eða utanáliggjandi skel. -ingur: Karlkynsviðskeyti. | Kakuna |
| 15 | Borbý | Bor-bý | Bor: Verkfæri til að bora holur. Bý: Býfluga. | Beedrill |
| 16 | Dúfutetur | Dúfu-tetur | Dúfa: Fugl af dúfuætt. Tetur: Orð sem merkir eitthvað smátt, rýrt eða aumingjalegt (sbr. mann-tetur). | Pidgey |
| 17 | Dúfinn | Dúf-inn | Dúf: Stofn orðsins dúfa. -inn: Líklega karlkyns ending til að gera nafnið virðulegra. | Pidgeotto |
| 18 | Dúfnastur | Dúfn-astur | Dúfna: Eignarfall fleirtölu af dúfa. Astur: Líklega stytting á kastur eða endingin -astur (sbr. hrað-astur), vísar til hraða. | Pidgeot |
| 19 | Rottóttur | Rott-óttur | Rotta: Nagdýr. -óttur: Lýsingarorðsending (sbr. flekk-óttur), merkir hér „sá sem er eins og rotta“. | Rattata |
| 20 | Hrotta | Hrott-a | Hrotti: Ofbeldisfullur maður, ruddi. Hljóðlíking við rotta. | Raticate |
| 21 | Spjótrungur | Spjót-rungur | Spjót: Lagvopn. -rungur: Viðskeyti (sbr. spjátrungur, ungur). Orðaleikur: Hljóðlíking við spjátrungur. | Spearow |
| 22 | Geighegri | Geig-hegri | Geigur: Ótti, hrollur. Hegri: Fugl af hegraætt. | Fearow |
| 23 | Arðan | Arðan | Naðra: Slanga/eiturormur. Orðið er Naðra skrifað afturábak (sbr. Ekans/Snake). | Ekans |
| 24 | Agnals | Agnals | Slanga: Snákur. Orðið er Slanga skrifað afturábak (sbr. Arbok/Cobra). | Arbok |
| 25 | Leifturskotta | Leiftur-skotta | Leiftur: Elding, bjarmi. Skotta: kvenkyns gæluorð yfir eitthvað sem er lítið (sbr lítil stelpa). Vísar í skottið (eldinguna). | Pikachu |
| 26 | Þrumumús | Þrumu-mús | Þruma: Hávaði frá eldingu. Mús: Nagdýr. | Raichu |
| 27 | Sandsnjáldur | Sand-snjáldur | Sandur: Jarðefni. Snjáldur: Trýni eða nef (sbr. snjáldurmús). | Sandshrew |
| 28 | Svöðusandur | Svöðu-sandur | Svöðusár: Djúpt sár (vísar í Slash). Sandur: Jarðefni. Orðaleikur: Vísar einnig í staðarheitið Skeiðarársand og svöðusár sandsins í gróðri þar. | Sandslash |
| 29 | Náldur | Nál-dur | Nál: Oddhvass hlutur (vísar í eitur/brodd). -dur: Ending, líklega stytting eða hljóðlíking við kaldur/galdur. | Nidoran♀ |
| 30 | Nálfrú | Nál-frú | Nál: Oddhvass hlutur (vísar í eitur/brodd). Frú: Titill giftra kvenna (vísar í kvenkynið). | Nidorina |
| 31 | Náldrottning | Nál-drottning | Nál: Oddhvass hlutur (vísar í eitur/brodd). Drottning: Tignarheiti, eiginkona konungs. | Nidoqueen |
| 32 | Náldur | Nál-dur | Sjá nr. 29. Sama nafn notað yfir bæði kynin á fyrsta stigi. | Nidoran♂ |
| 33 | Nálherra | Nál-herra | Nál: Oddhvass hlutur (vísar í eitur/brodd). Herra: Titill karlmanns (sbr. Nino). | Nidorino |
| 34 | Nálkonungur | Nál-konungur | Nál: Oddhvass hlutur (vísar í eitur/brodd). Konungur: Æðsti stjórnandi ríkis. | Nidoking |
| 35 | Bleikálfur | Bleik-álfur | Bleikur: Liturinn (blandlitur af rauðu og hvítu). Álfur: Goðsagnavera. | Clefairy |
| 36 | Bleikgoði | Bleik-goði | Bleikur: Liturinn (blandlitur af rauðu og hvítu). Goði: Forn titill höfðingja, eða vísun í goð (guðleg vera). | Clefable |
| 37 | Halatófa | Hala-tófa | Hali: Rófa á dýri. Tófa: Refur. | Vulpix |
| 38 | Nírófa | Ní-rófa | Níu: Talan 9. Rófa: Hali. Orðaleikur: Hljómar eins og „Ný-rófa“. | Ninetales |
| 39 | Krúttípútt | Krútt-í-pútt | Krútt: Eitthvað sætt. Pútt: Gæluyrði eða hljóðlíking. Rímorð til áherslu á krúttlegheit. | Jigglypuff |
| 40 | Knúsfús | Knús-fús | Knús: Faðmlag. Fús: Viljugur (vill knúsa). | Wigglytuff |
| 41 | Blakildi | Blak-ildi | Blaka: Að slá vængjum (eða leðurblaka). -ildi: Ending úr orðinu fiðrildi. | Zubat |
| 42 | Skoltblaka | Skolt-blaka | Skoltur: Kjaftur, munnur (stór munnur). Blaka: Leðurblaka. | Golbat |
| 43 | Kálhaus | Kál-haus | Kál: Matjurt. Haus: Höfuð. Orðið er einnig notað um aulahátt („þú ert nú meiri kálhausinn“), heimskingi, bjáni | Oddish |
| 44 | Glúmur | Glúmur | Glúmur: Fornt mannsnafn. Merkir einnig „dökkur“ eða „þungbúinn“. | Gloom |
| 45 | Miðurkolla | Miður-kolla | Miður: Slæmur, ógeðfelldur. Kolla: Efsti hluti jurtar/blóm. Orðaleikur: Vísar í froðuna sem myndast efst á gosdrykkjum og bjór (kallað kolla), hárkolla | Vileplume |
| 46 | Sníkill | Sníkill | Sníkill: lífvera sem lifir á annarri. | Paras |
| 47 | Gróhýsill | Gró-hýsill | Gró: Æxlunareining sveppa. Hýsill: Lífvera sem hýsir sníkjulífveru (sveppinn). | Parasect |
| 48 | Hnoðurliði | Hnoður-liði | Hnoðri: Hárbrúskur/ullarhnoðri. Liði: Maður/vera (sbr. skipsáhöfn/liði). | Venonat |
| 49 | Bölfluga | Böl-fluga | Böl: Óhamingja, eitur, mein. Fluga: Skordýr. | Venomoth |
| 50 | Graflari | Graflari | Graflari: Sá sem grefur. Orðaleikur: Slangur yfir kvensaman mann. | Diglett |
| 51 | Graflarar | Graflar-ar | Fleirtala af Graflari (þrír saman). | Dugtrio |
| 52 | Mjágjarn | Mjá-gjarn | Mjá: Hljóð katta. Gjarn: gefinn fyrir eitthvað, hefur tilhneigingu til einhvers. Orðaleikur: Gjarn tengist líka orðinu garn sem er þráður úr ull til að prjóna eða hekla úr. | Meowth |
| 53 | Klófessor | Kló-fessor | Kló: Oddhvöss nögl á fæti dýra. -fessor: Ending úr prófessor (vísar í greind). | Persian |
| 54 | Mígrendi | Mígr-endi | Mígreni: Höfuðverkur. Önd: Fugl. Orðaleikur: Samsetning á „Mígreni“ og „Önd“. | Psyduck |
| 55 | Gyllinönd | Gyllin-önd | Gyllini: Gullhúðun. Önd: Fugl. | Golduck |
| 56 | Skapköttur | Skap-köttur | Skap: Geðvonska. Köttur: Notað hér um villidýr/apa. Vísar í orðið skapvondur. | Mankey |
| 57 | Skapi | Skapi | Skapi: Stytting á skapvondur eða skapstyggur. | Primeape |
| 58 | Blysrakki | Blys-rakki | Blys: Eldur, kyndill. Rakki: Hundur. | Growlithe |
| 59 | Funhundur | Fun-hundur | Funi: Logi, eldur. Hundur: Dýrategund. | Arcanine |
| 60 | Pottgormur | Pott-gormur | Pottormur: Óþekktarormur/krakki. Gormur: Gorkúla, spírall, form með síendurteknum vafningum (mynstrið á maganum). | Poliwag |
| 61 | Hringekill | Hring-ekill | Hringur: Hringlaga mynstur. Ekill: Sá sem ekur (eða hringekja). | Poliwhirl |
| 62 | Spíralofsi | Spíral-ofsi | Spírall: Gormlaga mynstur. Ofsi: Reiði. | Poliwrath |
| 63 | Töfri | Töfr-i | Töfrar: Galdrar. | Abra |
| 64 | Kúnstner | Kúnstner | Kúnstner: Listamaður (oft notað um töframenn eða sérvitringa). Úr dönsku kunstner. | Kadabra |
| 65 | Galdursforseti | Galdur-forseti | Galdur: Töfrar. Forseti: Þjóðhöfðingi (æðsta stigið). | Alakazam |
| 66 | Þrekangi | Þrek-angi | Þrek: Kraftur, styrkur. Angi: Barn, lítil vera. | Machop |
| 67 | Aflgarpur | Afl-garpur | Afl: Styrkur. Garpur: Röskur maður, hetja. | Machoke |
| 68 | Fermundur | Fer-mundur | Fer: Fjórir (hefur fjórar hendur). Mundur: Verndari/hönd (mannsnafn). | Machamp |
| 69 | Bjallgresi | Bjall-gresi | Bjalla: Klukka (til að klingja) en einnig ættbálkur skordýra. Gresi: Jurt, gras. | Bellsprout |
| 70 | Grátklukka | Grát-klukka | Grátur: Tár. Klukka: Bjalla/blóm. | Weepinbell |
| 71 | Meinloka | Mein-loka | Mein: Skaði eða sjúkdómur. Loka: Gildra (planta sem lokar flugur inni). | Victreebel |
| 72 | Holsepi | Hol-sepi | Hol: Holur að innan (sjávardýr eru oft hol), einnig „á kaf“, „mjög djúpt“ (vísar í eitur stinga) Sepi: Totur, angar. | Tentacool |
| 73 | Glytnir | Glytn-ir | Glytta: Glæra, eitthvað með mörg augu, marglytta, einnig Glit: ljómi, leiftur eða glampi, vísar í glampa frá ljóskúlum á höfði hans | Tentacruel |
| 74 | Aurgaur | Aur-gaur | Aur: Mold, leðja, jörð. Gaur: Strákur/karl. Rímorð. | Geodude |
| 75 | Möldungur | Möld-ungur | Mold: Jarðvegur. -ungur: Viðskeyti. Orðaleikur: Vísar í orðatiltækið að „malda í móinn“, mótmæla nokkuð, sýna vægan mótþróa (vísar í þrjósku og þrætugirni þeirra). | Graveler |
| 76 | Bergjöfur | Berg-jöfur | Berg: Grjót. Jöfur: Konungur, höfðingi. | Golem |
| 77 | Logald | Log-ald | Logi: Eldur. -ald: Ending úr folald. | Ponyta |
| 78 | Eldklár | Eld-klár | Eldur: Logi. Klár: Hestur. | Rapidash |
| 79 | Sljón | Sljón | Sljór: Seinlegur, bitlaus. Jón: Algengt nafn, hér notað til persónugervingar. | Slowpoke |
| 80 | Sljónatan | Sljón-atan | Sljón: Sjá nr. 79. Natan: Mannsnafn (rím við Jónatan). | Slowbro |
| 81 | Segill | Segill | Segill: Segulstál, eitthvað sem dregur að sér málm. | Magnemite |
| 82 | Seglagerði | Segla-gerði | Seglar: Fleirtala af segull. Gerði: Girðing eða samansafn. | Magneton |
| 83 | Andvígur | And-vígur | Önd: Fugl. Vígur: Vopnfær/stríðs-. Orðaleikur: Orðið andvígur merkir að vera á móti einhverju. | Farfetch’d |
| 84 | Parfugl | Par-fugl | Par: Tveir (tveir hausar). Fugl: Dýrategund. | Doduo |
| 85 | Þrítrana | Þrí-trana | Þrí-: Þrír. Trana: Stór, grár, hálslangur og háfættur fugl. Orðaleikur: Fuglsnef/haus (sbr. að trana sér fram). | Dodrio |
| 86 | Kópangi | Kóp-angi | Kópur: Selungur. Angi: Lítið barn/vera. | Seel |
| 87 | Snæljón | Snæ-ljón | Snær: Snjór. Sæljón: Selategund. Snæ + Sæljón. | Dewgong |
| 88 | Drullupolli | Drullu-polli | Drullupollur: Vatnssorf með mold. -i: Gælu-ending. | Grimer |
| 89 | Forsprakki | For-sprakki | For: Leðja, skítur (sbr. forarpyttur). Sprakkur: röskur, skjótur. Orðaleikur: Forsprakki þýðir líka upphafsmaður og leiðtogi. | Muk |
| 90 | Skelsæll | Skel-sæll | Skel: Hlífðarhjúpur. Sæll: Glaður/ánægður. Rím við skel. | Shellder |
| 91 | Vígulker | Vígul-ker | Víg: Dráp/stríð (broddarnir). Ígulker: Sjávardýr með broddum. | Cloyster |
| 92 | Hrollur | Hrollur | Hrollur: Skelfing, kuldi. | Gastly |
| 93 | Reimnir | Reim-nir | Reimleikar: Draugagangur. -nir: Ending (sbr. greinir, reynir, annir). | Haunter |
| 94 | Vofursti | Vof-ursti | Vofa: Draugur. Ofursti: Tignargráða í hernum (vísar til styrks). | Gengar |
| 95 | Gránamaðkur | Grána-maðkur | Grár: Liturinn. Gráni: Grár hestur eða grjót. Ánamaðkur: Ormur af burstaætt sem lifir í mold. | Onix |
| 96 | Dávi | Dá-vi | Dá: Svefnástand, dáleiðsla. -vi: Ending. | Drowzee |
| 97 | Leiðslari | Leiðsl-ari | Leiðsla: Dáleiðsla. -ari: Sá sem framkvæmir (sá sem dáleiðir). | Hypno |
| 98 | Krabbakútur | Krabba-kútur | Krabbi: Skeldýr. Kútur: Gæluorð, lítill strákur. | Krabby |
| 99 | Krabbarbari | Krab-barbari | Krabbi: Skeldýr. Barbari: Villimaður/stríðsmaður. | Kingler |
| 100 | Stuðbolti | Stuð-bolti | Stuð: Rafmagn, gleði. Bolti: Hnöttur. | Voltorb |
| 101 | Straumhnöttur | Straum-hnöttur | Straumur: Rafmagn. Hnöttur: Kúla. | Electrode |
| 102 | Seggaldin | S-eggaldin | S / Sex: Talan sex. Skrímslið samanstendur alltaf af sex eggjum sem mynda eina heild. Eggaldin: Grænmeti. Orðaleikur: Hljómar eins og Eggaldin, en skeytir S (fyrir sex) framan sem vísar til þess að þetta eru alltaf hópur af „Sex eggjum“ | Exeggcute |
| 103 | Tálmatré | Tálma-tré | Tálmi: Hindrun (eða pálmi). Tré: Planta. Orðaleikur við pálmatré. | Exeggutor |
| 104 | Beinfari | Bein-fari | Bein: Hluti af beinagrind. Fari: Sá sem ferðast eða ber eitthvað. | Cubone |
| 105 | Hnauskúpa | Hnaus-kúpa | Hnaus: Þykkur kökkur (eða haus). Hauskúpa: Beinagrind höfuðs. | Marowak |
| 106 | Spyrnir | Spyrn-ir | Spyrna: Spark. -ir: Gerandanafn. | Hitmonlee |
| 107 | Hnefla | Hnef-la | Hnefi: Krepptur hönd. -la: Smækkunar- eða sagnarending. | Hitmonchan |
| 108 | Sleikjógn | Sleikj-ógn | Sleikjó: Sælgæti á pinna (eða að sleikja). Ógn: Hætta/skelfing. | Lickitung |
| 109 | Kígildi | Kí-gildi | Kíghósti: Slæmur hósti. Gildi: Verðmæti eða hlutur. Hljóðlíking við kíghósta. | Koffing |
| 110 | Pústaskrápur | Pústa-skrápur | Púst: Útblástur. Skrápur: Húð/roð (eða slæmur hlutur). | Weezing |
| 111 | Horngrýti | Horn-grýti | Horn: Á dýri. Harðgrýti: Hörð steintegund. Orðaleikur. | Rhyhorn |
| 112 | Steinhyrningur | Stein-hyrningur | Steinn: Grjót. Einhyrningur: Goðsagnadýr. | Rhydon |
| 113 | Sælegg | Sæl-egg | Sæll: Hamingjusamur. Egg: Egg. | Chansey |
| 114 | Fléttungur | Flétt-ungur | Flétta: Samtvinnun/jurt. -ungur: Viðskeyti. | Tangela |
| 115 | Kengúrill | Keng-úr-ill | Kengúra: Pokadýr. Úrillur: Fýlulegur og stuttur í spuna. | Kangaskhan |
| 116 | Skolald | Skol-ald | Skola: Þvo (vatn). -ald: Ending úr orðum eins og folald eða jór (hestur). | Horsea |
| 117 | Sjáfnir | Sjáfn-ir | Sjávar-: Eignarfall af sjór. Fjölnir/Sleipnir: Goðsagnanöfn. | Seadra |
| 118 | Bleikhyrna | Bleik-hyrna | Bleikja: Fisktegund. Hyrna: Horn (eða kvenkyns fiskur). | Goldeen |
| 119 | Fiskikóngur | Fiski-kóngur | Fiskur: Sjávardýr. Kóngur: Konungur. | Seaking |
| 120 | Stirnir | Stirn-ir | Stirna: Stjarna (eða að glampa). | Staryu |
| 121 | Stirningur | Stirn-ingur | Stirnir: Sjá ofan. -ingur: Stækkunarending. | Starmie |
| 122 | Hermiherra | Hermi-herra | Herma: Að leika eftir. Herra: Titill. | Mr. Mime |
| 123 | Ljáspretta | Ljá-spretta | Ljár: Slátturverkfæri. Spretta: Að hlaupa og líka að rekja eða skera upp saum. Orðaleikur: Afbökun á orðinu engispretta. | Scyther |
| 124 | Tálgrýla | Tál-grýla | Tál: Svik, blekking eða tæling. Grýla: Tröllskessa. | Jynx |
| 125 | Spenndýr | Spenn-dýr | Spenna: Rafspenna. Dýr: Skepna. Orðaleikur: Hljómar eins og spendýr. | Electabuzz |
| 126 | Kvikyndi | Kvik-yndi | Kvika: Bráðið grjót. Kynda: Að kveikja eld. Orðaleikur: Vísar í kvikindi (ófreskja). | Magmar |
| 127 | Hrellibjalla | Hrelli-bjalla | Hrella: Að hræða/pína. Bjalla: Skordýr. | Pinsir |
| 128 | Stórþjór | Stór-þjór | Stór: Mikill. Þjór: Naut. | Tauros |
| 129 | Greysleppa | Grey-sleppa | Grey: Aumingi. Grásleppa: Fisktegund. | Magikarp |
| 130 | Brimskratti | Brim-skratti | Brim: Öldurót. Skratti: Djöfull/púki. | Gyarados |
| 131 | Lagargandur | Lagar-gandur | Lögur: Vatn/sjór. Gandur: Reiðskjóti eða hestur, stundum nornar eða skrímsli (sbr. Jörmungandur eða Miðgarðsormur). | Lapras |
| 132 | Gervill | Gerv-ill | Gervi: Eftirlíking. -ill: Ending. Einnig fornt orð illr sem þýðir að vera tómur. Orðaleikur: Vísar í orðið hermir, hlutur sem líkir eftir einhverju öðru raunverulegu. | Ditto |
| 133 | Sniðdýr | Snið-dýr | Snið: Lögun eða mynstur. Dýr: Skepna. Orðaleikur: „Sniðugt“ dýr (aðlögunarhæft). | Eevee |
| 134 | Marbúi | Mar-búi | Mar: Haf/sjór. Búi: Sá sem býr einhversstaðar, íbúi. | Vaporeon |
| 135 | Rafbúi | Raf-búi | Raf: Rafmagn (eða rafur). Búi: Sá sem býr einhversstaðar, íbúi. | Jolteon |
| 136 | Glóðbúi | Glóð-búi | Glóð: Eldur. Búi: Sá sem býr einhversstaðar, íbúi. | Flareon |
| 137 | Grafíkja | Grafík-ja | Grafík: Tölvuteikning (Computer Graphics). -ja: Ending (sbr. kirkja eða armbeygja). Hljóðlíking við gyðja. Orðaleikur: Nafnið er orðaleikur. Það vísar til uppruna skrímslisins úr tölvugrafík, en hljóðlíkingin við gyðja gefur því goðsagnakenndan blæ. | Porygon |
| 138 | Kuðungi | Kuðung-i | Kuðungur: Skel. -i: Smækkunarending (vísar í að hann er lítill og krúttlegur). Náttúrufræði: Byggir á ammonítum, útdauðum sjávardýrum frá tímum risaeðlanna sem líktust smokkfiskum inni í sniglahúsi. Þeir steingerðust oft og eru með algengustu steingervingum sem finnast í dag. | Omanyte |
| 139 | Holkrabbi | Hol-krabbi | Holur: Tómur að innan. Krabbi: Skeldýr. | Omastar |
| 140 | Botnseti | Botn-seti | Botn: Sjávarbotn. Seti: Sá sem situr (eða set – jarðlag). Náttúrufræði: Byggir á skeifukröbbum en þeir eru oft kallaðir „lifandi steingervingar“ því þeir hafa dvalið á sjávarbotninum, nánast óbreyttir, í meira en 400 milljónir ára – löngu fyrir tíma risaeðlanna! | Kabuto |
| 141 | Djúpsaxi | Djúp-saxi | Djúp: Hafið. Saxa: Að skera (með klóm). Líffræði: Útlitið svipar til risavaxinna sjávarsporðdreka (Eurypterids) sem ríktu í höfunum í fyrndinni. Hann var ofurfljótur sundgarpur sem notaði stórar ljáir til að saxa bráð sína í hafdjúpunum. | Kabutops |
| 142 | Himinvá | Himin-vá | Himinn: Loftið. Vá: Hætta, ógn. Náttúrufræði: Tengist flugeðlum (Pterosaurs eða Pterodactyls), ægileg fljúgandi skriðdýr sem ríktu í loftinu á tímum risaeðlanna. | Aerodactyl |
| 143 | Hrotþurs | Hrot-þurs | Hrota: Svefnhljóð. Þurs: Jötunn, tröll. | Snorlax |
| 144 | Éljaskarfur | Élja-skarfur | Él: Snjókomubylur. Skarfur: Fugl af ættkvísl sjófugla. | Articuno |
| 145 | Þórshani | Þórs-hani | Þór: Þrumuguðinn. Hani: Fugl. Saga: Þórshani er raunverulegt íslenskt fuglaheiti. Goðsagnafugl sem stjórnar eldingum. | Zapdos |
| 146 | Blossagaukur | Blossa-gaukur | Blossi: Eldglampi. Gaukur: Fugl. Orðaleikur: Hljómar eins og Hrossagaukur. | Moltres |
| 147 | Dreksprek | Drek-sprek | Dreki: Ormur. Sprek: Lítil spýta, eitthvað veiklulegt. | Dratini |
| 148 | Grandormur | Grand-ormur | Grand: Eitthvað tignarlegt (sbr. Grand). Ormur: Dreki. | Dragonair |
| 149 | Drekvaxinn | Drek-vaxinn | Dreki: Skrímsli. Vaxinn: Fullorðinn, stór. | Dragonite |
| 150 | Tvímýta | Tví-mýta | Tví-: Tveir/tvöfalt. Mýta: Goðsögn. | Mewtwo |
| 151 | Mýta | Mýta | Mýta: Goðsögn. Hljóðlíking við Mew. | Mew |
Önnur kynslóð
| Númer | Nafn | Upprunaorð | Þýðing | Enska |
|---|---|---|---|---|
| 152 | Bleðill | Bleð-ill | Blað: Lauf á jurt. -ill: Smækkunarending (sbr. snig-ill). | Chikorita |
| 153 | Þistilgumi | Þistil-gumi | Þistill: Stingandi jurt. Gumi: Fornt orð yfir mann (sbr. brúðgumi). | Bayleef |
| 154 | Laufjöfur | Lauf-jöfur | Lauf: Plöntuhluti. Jöfur: Konungur eða höfðingi. | Meganium |
| 155 | Brímir | Brím-ir | Brími: Eldur eða bjarmi (skáldamál). -ir: Nafnorðsending. | Cyndaquil |
| 156 | Gosi | Gos-i | Gos: Eldgos. Gosi: Ábyrgðarlaus maður, galgopi. | Quilava |
| 157 | Bálhamur | Bál-hamur | Bál: Mikill eldur. Hamur: Húð, gervi eða skap (sbr. hamhleypa). | Typhlosion |
| 158 | Smádíll | Smá-díll | Smár: Lítill. Díll: Blettur, Orðaleikur: Stytting á krókódíll. | Totodile |
| 159 | Krókald | Krók-ald | Krókur: Krókódíll. -ald: Ending (sbr. folald). | Croconaw |
| 160 | Skolthrotti | Skolt-hrotti | Skoltur: Kjaftur (stór munnur). Hrotti: Ruddi, ofbeldismaður. | Feraligatr |
| 161 | Skottspott | Skott-spott | Skott: Rófa. Spott: Að spotta (sjá til), eða spotti (band/slangur yfir rófu). | Sentret |
| 162 | Randahnoðri | Randa-hnoðri | Rönd: Rák (röndóttur). Hnoðri: Hárbrúskur eða lítill hlutur. | Furret |
| 163 | Taktseti | Takt-seti | Taktur: Reglulegt hljóðfall (klukka). Seti: Sá sem situr (á grein). | Hoothoot |
| 164 | Náttygla | Nátt-ygla | Nátt: Nótt. Ygla: Að vera brúnaþungur (sbr. ugla). | Noctowl |
| 165 | Bjallveig | Bjall-veig | Bjalla: Skordýr. Veig: Kvenmannsnafn/ending (sbr. Rannveig eða Bjarnveig), þýðir einnig drykkur. | Ledyba |
| 166 | Maríuhetja | Maríu-hetja | Maríuhæna: Skordýr. Hetja: Vaskur maður (vísar í ofurhetjuútlit). | Ledian |
| 167 | Spindill | Spindill | Spindill: Snælda (tengist að spinna vef). | Spinarak |
| 168 | Vefari | Vefari | Vefari: Sá sem vefur (könguló). | Ariados |
| 169 | Spellblaka | Spell-blaka | Spell: Skemmdir, skaði. Blaka: Leðurblaka. | Crobat |
| 170 | Glótutla | Gló-tutla | Gló: Að glóa (ljós). Tutla: Ögn, lítill hlutur (sbr. tutla í merkingunni totta/drekka eða smátt dýr). | Chinchou |
| 171 | Lýsa | Lýsa | Lýsa: Fisktegund (hvítur fiskur af þorskaætt) eða sagnorðið að lýsa (gefa ljós). | Lanturn |
| 172 | Stuðstúfa | Stuð-stúfa | Stuð: Rafmagn/gleði. Stúfa: Stúlkubarn (eða stúfur – eitthvað stutt eða lítið). | Pichu |
| 173 | Bleiklyndur | Bleik-lyndur | Bleikur: Liturinn. Lyndur: Skapgerð. | Cleffa |
| 174 | Ogguponsa | Oggu-ponsa | Ogguponsa: Mjög lítið (orðatiltæki). | Igglybuff |
| 175 | Eggla | Egg-la | Egg: Vísar í skurnina sem hún situr í. -la: Kvenkyns smækkunar- og gæluending (sbr. dúlla, perla eða krútta). Skýring: Nafnið er vísun í hugtakið Gæfuegg. | Togepi |
| 176 | Klakvængja | Klak-vængja | Klak: Að klekjast út (eða klaki). Vængja: Með vængi. | Togetic |
| 177 | Spáfugl | Spá-fugl | Spá: Framtíðarsýn, spámaður. Fugl: Dýr. | Natu |
| 178 | Hyglfygli | Hygl-fygli | Hygl: Dregið af hygginn (vitur) eða hugur. Fygli: Fuglar (safnheiti). | Xatu |
| 179 | Skærgemsi | Skær-gemsi | Skær: Vísar til skæra (verkfærisins) til að rýja hann með. Orðið er einnig tvírætt þar sem skær merkir bjartur (ljósið á halanum). Gemsi: Stytting á gemlingur (vetrargömul kind). Orðaleikur: „gemsi“ er slangur yfir farsíma, sem er raftæki. | Mareep |
| 180 | Hnykilvægur | Hnykil-vægur | Hnykill: Garnhnoðri. Vægur: Mildur (eða ending til samræmis). Orðaleikur: Hljómar eins og Mikilvægur | Flaaffy |
| 181 | Standlambi | Stand-lambi | Standa: Að standa uppréttur. Lambi: Ung sauðkind. Orðaleikur: Nafnið er hljóðlíking við Standlampa (gólflampa). Sem passar því halinn á því lýsir af sér birtu líkt og lampi og það var notað sem viti fyrir sjófarendur. | Ampharos |
| 182 | Faldlilja | Fald-lilja | Faldur: Skrautlegur höfuðbúnaður eða felling. Lilja: Blóm. | Bellossom |
| 183 | Daggarögn | Daggar-ögn | Dögg: Vatnsdropar. Ögn: Lítið korn. Orðaleikur: Nafnið er hljóðlíking við Agnarögn, sem er eitthvað örlítið eða smátt. | Marill |
| 184 | Úðingur | Úð-ingur | Úði: Vatnsúði. -ingur: Ending. | Azumarill |
| 185 | Gervitré | Gervi-tré | Gervi: Eftirlíking. Tré: Planta. | Sudowoodo |
| 186 | Gormkarta | Gorm-karta | Gormur: Spírall (á maganum). Karta: Froskdýr. | Politoed |
| 187 | Hoppurt | Hopp-urt | Hopp: Að stökkva. Urt: Jurt/planta. | Hoppip |
| 188 | Skoppklukka | Skopp-klukka | Skopp: Að skoppa. Klukka: Blóm (bláklukka). | Skiploom |
| 189 | Hviðukolla | Hviðu-kolla | Hviða: Vindhviða. Kolla: Blómkollur/Fífill (sem fýkur). Orðaleikur: Hljóðlíking við Biðukollu. | Jumpluff |
| 190 | Halamundur | Hala-mundur | Hali: Rófa. Mundur: Hönd (sem heldur um) eða mannsnafn. | Aipom |
| 191 | Sólkarn | Sól-karn | Sól: Stjarnan. Karn: Dregið af kjarni (fræ) eða korn. | Sunkern |
| 192 | Sumarbrá | Sumar-brá | Sumar: Árstíð. Brá: Augnhár/blóm (sbr. Baldursbrá). | Sunflora |
| 193 | Flugudreki | Flugu-dreki | Fluga: Skordýr. Dreki: Skrímsli. Orðaleikur: Nafnið er afbökun á orðinu Drekafluga, þar sem orðhlutunum er snúið við. Myndar jafnframt orðaleik við leikfangið flugdreka. | Yanma |
| 194 | Fenjapeð | Fenja-peð | Fen: Mýri/votlendi. Peð: Lítil vera (sbr. peð í skák). | Wooper |
| 195 | Mýrarbolti | Mýrar-bolti | Mýri: Votlendi. Bolti: Hnöttur (vísar í bústinn líkama). | Quagsire |
| 196 | Huginn | Huginn | Huginn: Annar hrafna Óðins. Merkir „hugur“ eða „hugsun“. Vísar í sálræna krafta. | Espeon |
| 197 | Myrkurboði | Myrkur-boði | Myrkur: Dimma. Boði: Sendiboði eða fyrirboði. | Umbreon |
| 198 | Kráklingur | Krák-lingur | Kráka: Fugl. -lingur: Smækkun. Orðaleikur: Kræklingur er algengt skeldýr við strendur Íslands. | Murkrow |
| 199 | Sljóannes | Sljó-annes | Sljó: Vísar í orðið sljór og forvera hans, Sljón og Sljónatan. -annes: Ending dregin af mannsnafninu Jóhannes. Nafnahefð: Tengir nafnaröð í þróunarlínunni: Jón (Sljón) -> Jónatan (Sljónatan) -> Jóhannes (Sljóannes). Jóhannes þykir virðulegra og lengra nafn sem hæfir konunginum. Orðaleikur: Endingin -annes er einnig hljóðlíking við enska tignarheitið Highness (Your Highness). | Slowking |
| 200 | Misfari | Mis-fari | Mis-: Forskeyti (mistök/slæmt). Fari: Vera. Misfari getur þýtt óhapp eða ógæfa. | Misdreavus |
| 201 | Ófekktur | Ó-fekktur | Ó: Bókstafurinn O eða neitun. Fekktur: Er afbökun á orðinu þekktur, vísar í egypskt myndmál/bókstafi/rúnir. | Unown |
| 202 | Þrekfífill | Þrek-fífill | Þrek: Þol. Fífill: Blóm, en einnig „fífl“ (aulabárður). | Wobbuffet |
| 203 | Tvíraffi | Tví-raffi | Tví: Tveir (tveir hausar). Raffi: Stytting á Gíraffi. | Girafarig |
| 204 | Köngulhaus | Köngul-haus | Köngull: Á barrtré. Haus: Höfuð. Orðaleikur: Hljómar eins og þöngulhaus. | Pineco |
| 205 | Barrvígi | Barr-vígi | Barr: Nálarnar á trénu. Vígi: Virki/kastali. | Forretress |
| 206 | Skottormur | Skott-ormur | Skott: Rófa. Ormur: Slanga | Dunsparce |
| 207 | Sviffauti | Svif-fauti | Svif: Að svífa. Fauti: Ofstopamaður, harðhentur og ofbeldisfullur, fantur | Gligar |
| 208 | Stálnamaðkur | Stálna-maðkur | Stálna: Að harðna/verða að stáli. Maðkur: Ormur. | Steelix |
| 209 | Urriði | Urriði | Urriði: Fiskur. Hér dregið af sagnorðinu að urra. | Snubbull |
| 210 | Gjammbítur | Gjamm-bítur | Gjamm: hundgá, gelt. Bítur: Sá sem bítur. | Granbull |
| 211 | Ígulhnöttur | Ígul-hnöttur | Ígulker: Sjávardýr með broddum. Hnöttur: Kúla. | Qwilfish |
| 212 | Stálspretta | Stál-spretta | Stál: Málmur. Spretta: Að hlaupa, líka að rekja eða skera upp saum. Vísar í Ljáspretta Nr. 123 | Scizor |
| 213 | Skriðubúri | Skriðu-búri | Skriða: Grjóthrun eða brött fjallshlíð þakin lausagrjóti. Búri: Dverganafn úr Völuspá, en merkir einnig matargeymsla eða búr. Goðafræði: Buri er dvergur sem nefndur er í Dvergatalinu í 13. erindi Völuspár. Líffræði: Skrímslið safnar berjum og geymir þau inni í skelinni (búrinu sínu). | Shuckle |
| 214 | Hornuxi | Horn-uxi | Horn: Á dýri. Uxi: Stór bjalla (sbr. tordýfill). | Heracross |
| 215 | Slævar | Slæ-var | Slægur: Lúmskur. Var: Varfærinn. | Sneasel |
| 216 | Skífuhúnn | Skífu-húnn | Skífa: Tungl/máni (á enninu). Húnn: Bjarnarhúnn. | Teddiursa |
| 217 | Baugbjörn | Baug-björn | Baugur: Hringur. Björn: Dýr. | Ursaring |
| 218 | Letiglóð | Leti-glóð | Leti: Að vera latur. Glóð: Lifandi kol/eldur. Orðaleikur: Nafnið er hljóðlíking við Letiblóð | Slugma |
| 219 | Kvikuhetta | Kviku-hetta | Kvika: Bráðið grjót. Hetta: Húfa eða snigilhús. | Magcargo |
| 220 | Svíli | Sví-li | Svín: Grís. -li: Smækkun (sbr. kríli). Orðaleikur: Nafnið er gamansöm vísun í orðið Svili, sem er heiti yfir karlkyns maka systkinis maka) | Swinub |
| 221 | Lubbagöltur | Lubba-göltur | Lubbi: Mikið/úfið hár. Göltur: Svín. | Piloswine |
| 222 | Kóralsunna | Kóral-sunna | Kórall: Sjávarlífvera. Sunna: Sól (lögunin og litirnir). | Corsola |
| 223 | Suguggi | Sug-uggi | Suga: Að sjúga/sogskál. Uggi: Fiskuggi. | Remoraid |
| 224 | Skolkrabbi | Skol-krabbi | Skola: Að þvo með vatni Krabbi: Hér notað um kolkrabba. | Octillery |
| 225 | Vistberi | Vist-beri | Vistir: Matvæli/birgðir. -beri: viðskeyti sem lýsir einhverjum sem ber eitthvað á sér (sbr. bréfberi, boðberi, blaðberi) | Delibird |
| 226 | Breiðskata | Breið-skata | Breiður: Víður (vænghaf). Skata: Flatur fiskur. | Mantine |
| 227 | Stálki | Stál-ki | Stál: Málmur. -ki: Ending (sbr. álki). Orðaleikur: Orðmynd af fuglsheitinu Fálki. | Skarmory |
| 228 | Vítisvargur | Vítis-vargur | Víti: Helvíti. Vargur: Úlfur/hundur. | Houndour |
| 229 | Helrakki | Hel-rakki | Hel: Dauðaríkið. Rakki: Hundur. | Houndoom |
| 230 | Hylþengill | Hyl-þengill | Hylur: Djúpur staður í á eða vatni. Þengill: Konungur. | Kingdra |
| 231 | Fílingur | Fíl-ingur | Fíll: Stórt dýr. -ingur: Smækkun (lítill fíll). Orðaleikur: Nafnið er tvírætt því Fílingur er einnig algengt slanguryrði yfir góða stemningu, gleði eða „stuð“ (að vera í góðum fíling). Það passar vel við þennan glaðværa fíl. | Phanpy |
| 232 | Erkifantur | Erki-fantur | Erki-: Áhersluforliður (arch-). Fantur: Hrotti, en stundum notað um fíla (ele-phant). Orðaleikur: Vísun í orðið Erkifjandi Bókmenntavísun: Nafnið er orðaleikur sem vísar í Ollifanta (e. Oliphaunts) úr Hringadróttinssögu. | Donphan |
| 233 | Grafíkja2 | Grafík-ja-tvö | Grafík: Tölvuteikning (Computer Graphics). -ja: Kvennkyns ending (sbr. kirkja). Hljóðlíking við gyðja. ² (Annað veldi): Tölustafurinn er í yfirskrift. Þetta vísar í annað veldi í stærðfræði (x^2). Í tækniheiminum er þetta notað til að tákna útgáfu 2.0, enda er skrímslið uppfærð og betrumbætt útgáfa af forvera sínum (Sjá nr. 137). | Porygon2 |
| 234 | Hvíslhjörtur | Hvísl-hjörtur | Hvísl: Að hvísla, vísar til dulrænna eiginleika skrímslisins. Hjörtur: Dýrategund. Orðaleikur: „Hvísl“ er hér afbökun á orðinu kvísl (grein, klofið, sundurgreint), sem vísar til lagsins á hornum hans. | Stantler |
| 235 | Blikksill | Blikk-sill | Blikk: Hljóðlíking eða afbökun á orðinu Bikkill. Bikkill er íslenskt orð yfir hund (oft notað um smáhunda) og vísar hér til hundategundarinnar Beagle, sem skrímslið er byggt á. -sill: Ending dregin af orðinu Pensill. Skottið á skrímslinu seytir vökva og virkar eins og málarapensill sem það notar til að merkja yfirráðasvæði sitt. | Smeargle |
| 236 | Slegill | Slegill | Slegill: Verkfæri til að slá með. | Tyrogue |
| 237 | Kringluhvirfill | Kringlu-hvirfill | Kringla: Hringur/skífa. Hvirfill: Toppur, snúningur. | Hitmontop |
| 238 | Kosskjass | Koss-kjass | Koss: Að kyssa. Kjass: Gælur. | Smoochum |
| 239 | Straumangi | Straum-angi | Straumur: Rafmagn. Angi: Barn/lítill. | Elekid |
| 240 | Gosögn | Gos-ögn | Gos: Eldgos. Ögn: Lítið korn/barn. | Magby |
| 241 | Hnitgeymir | Hnit-geymir | Hnit: Afbökun á orðinu Nyt sem er fornt orð yfir mjólk Geymir: Tankur. | Miltank |
| 242 | Glaumur | Glaumur | Glaumur: Gleði, hávaði, fögnuður. | Blissey |
| 243 | Þrumuóhm | Þrumu-óhm | Þruma: Hávært hljóð. Óhm: Mælieining rafviðnáms. | Raikou |
| 244 | Funagarmur | Funa-garmur | Funi: Eldur. Garmur: Hundur eða vættur (Garmur í Ragnarökum). | Entei |
| 245 | Lagarvaldur | Lagar-valdur | Lögur: Vatn. Valdur: Stjórnandi. | Suicune |
| 246 | Lirfukríli | Lirfu-kríli | Lirfa: Þroskastig sumar skordýra. Kríli: Lítið barn. | Larvitar |
| 247 | Gífurpúpa | Gífur-púpa | Gífur: Tröll/stór. Púpa: Hylki. | Pupitar |
| 248 | Gramjöfur | Gram-jöfur | Gramur: Reiður, eða konungur (sbr. gramur í fornu máli). Jöfur: Konungur. | Tyranitar |
| 249 | Mardvali | Mar-dvali | Mar: Haf/sjór. Dvali: Svefn, eða sá sem dvelur. | Lugia |
| 250 | Glótrana | Gló-trana | Gló: Að glóa (eldur/gull). Trana: Fugl. | Ho-oh |
| 251 | Gróðursæll | Gróður-sæll | Gróður: Plöntur. Sæll: Hamingja/blessun. | Celebi |
Þriðja kynslóð
| Númer | Nafn | Upprunaorð | Þýðing | Enska |
|---|---|---|---|---|
| 252 | Gekklingur | Gekk-lingur | Gekkó: Eðluegundin. -lingur: Smækkunarending (sbr. kettlingur, yrðlingur). | Treecko |
| 253 | Þyrilkemba | Þyril-kemba | Þyrill: Snúningur/planta. Kemba: Kambur (greiða/fax). | Grovyle |
| 254 | Snarpharri | Snarp-harri | Snarpur: Röskur, beittur eða fljótur. Harri: Fornt orð yfir konung. | Sceptile |
| 255 | Glóðungi | Glóð-ungi | Glóð: Brennandi kol/hiti. Ungi: Fuglsungi. | Torchic |
| 256 | Hanaslagur | Hana-slagur | Hani: Karlkyns hænsnfugl. Slagur: Bardagi. Orðatiltæki: „Hanaslagur“ er barátta eða keppni. | Combusken |
| 257 | Logaleggur | Loga-leggur | Logi: Eldur. Leggur: Fótleggur. Lýsing: Þekktur fyrir öflugar spyrnur. | Blaziken |
| 258 | Pollapési | Polla-pési | Pollur: Smátjörn, smá dæld með vatni í. Pési: Strákur/gæi. Orðaleikur: Vísar í „Pollagalla“ og að vera polli (lítill strákur). | Mudkip |
| 259 | Mýrartraðki | Mýrar-traðki | Mýri: Votlendi. Traðki: Sá sem treður. | Marshtomp |
| 260 | Leðjujötunn | Leðju-jötunn | Leðja: Eðja/drulla. Jötunn: Stór og sterkur (tröll). | Swampert |
| 261 | Hvolpbítur | Hvolp-bítur | Hvolpur: Ungur hundur. Bítur: Sá sem bítur. | Poochyena |
| 262 | Úlfúð | Úlf-úð | Úlfur: Rándýr. -úð: Ending (sbr. andúð, dulúð, harðúð), ending notuð yfir framkomu eða hugarfar. Orðaleikur: Úlfúð er til í íslensku og merkir fjandskapur, deilur eða illindi. | Mightyena |
| 263 | Slynkur | Slynkur | Slynkur: Snögg truflun á hreyfingu, rykkur eða kænska. | Zigzagoon |
| 264 | Beinskeitta | Bein-skeitta | Beinn: Að fara í beinni línu. Skeyta: Að skjóta/senda. Orðaleikur: Vísar í lýsingarorðið beinskeyttur (hittinn/hreinskilinn). | Linoone |
| 265 | Rassmaðkur | Rass-maðkur | Rass: Bakhluti. Maðkur: Ormur. | Wurmple |
| 266 | Reifangi | Reif-angi | Reifar: Hvítt léreft sem ungbörn voru vafin í (reifuð). Angi: Barn, lítil vera. Uppruni: Dregið af orðunum reifastrangi/reifabarn, í gamla daga voru börn voru reifuð (vafin þétt) fyrstu mánuðina til að tryggja beinan vöxt og hlýju. | Silcoon |
| 267 | Skrúðildi | Skrúð-ildi | Skrúð: Skrautklæði eða litskrúð. Fiðrildi: Skordýr. | Beautifly |
| 268 | Hörkupúpa | Hörku-púpa | Harka: Harður/seigur. Púpa: Umbreytingarstig skordýra. | Cascoon |
| 269 | Eiturmölur | Eitur-mölur | Eitur: Skaðlegt efni. Mölur: Náttfiðrildi. | Dustox |
| 270 | Flotblað | Flot-blað | Flot: Að fljóta. Blað: Laufblað (vatnalilja). | Lotad |
| 271 | Hrekkjapadda | Hrekkja-padda | Hrekkur: Grikkur. Padda: Smádýr. Þjóðsaga: Byggt á Kappa, japönskum vatnsvættum sem þekktir eru fyrir hrekkjalæti. | Lombre |
| 272 | Dansanas | Dans-anas | Dans: Hreyfing við tónlist. Ananas: Ávöxtur. Húmor: Lítur út eins og stór, glaður ananas sem elskar að dansa. Reyndu að segja nafnið 5 sinnum eins hratt og þú getur. | Ludicolo |
| 273 | Hnetukollur | Hnetu-kollur | Hneta: Akarn. Kollur: Höfuð. | Seedot |
| 274 | Trjálfur | Trj-álfur | Tré: Planta. Álfur: Hulduvera. Orðaleikur: Hljómar eins og „sjálfur“. | Nuzleaf |
| 275 | Vindvargur | Vind-vargur | Vindur: Loft sem blæs. Vargur: Úlfur, rándýr, friðlausir menn eða veðurvargur (ofsaveður). Bókmenntir: Vísar í ljóðið „Vindurinn Vargur„. | Shiftry |
| 276 | Svölungur | Svöl-ungur | Svala: Fuglategund. Ungur: Lítill/ungur. | Taillow |
| 277 | Svólsvala | Svól-svala | Svól: Hljóðlíking við enska orðið Swole/Swell (bólgin/stolt). Svala: Fuglategund. Orðaleikur: „Svól“ er vísun í slanguryrði sem notað er um fólk með mjög mikla vöðva. | Swellow |
| 278 | Vængjávur | Vængj-ávur | Vængur: Útlimur notaður til flugs. Mávur: Sjófugl. | Wingull |
| 279 | Póstíkani | Póst-íkani | Póstur: Sendibréf. Pelíkani: Fuglategund. | Pelipper |
| 280 | Árari | Ár-ari | Ára: Orka/útgeislun. -ari: Persónuending. | Ralts |
| 281 | Áradís | Ára-dís | Ára: Orka/útgeislun. Dís: Kvenkyns vættur. | Kirlia |
| 282 | Verndardís | Verndar-dís | Vernd: Gæsla. Dís: Kvenkyns vættur/gyðja. | Gardevoir |
| 283 | Pollastiklari | Polla-stiklari | Pollur: Smátjörn, smá dæld með vatni í, lítill strákur. Stikla: Að hlaupa, fleyta kerlingar á vatni Náttúrufræði: Skordýrið Tjarnastiklari skýst eftir vatnafletinum án þess að sökkva. | Surskit |
| 284 | Grímumölur | Grímu-mölur | Gríma: Andlitshula, dulargervi. Mölur: Náttfiðrildi. | Masquerain |
| 285 | Fýlusveppur | Fýlu-sveppur | Fýla: Vond lykt eða að vera fúll. Sveppur: Gróplanta. | Shroomish |
| 286 | Teygjusveppur | Teygju-sveppur | Teygja: Að lengja (hendurnar). Sveppur: Gróplanta. | Breloom |
| 287 | Slappi | Slapp-i | Slappur: Máttlaus, latur. | Slakoth |
| 288 | Hamhleypa | Ham-hleypa | Hamur: Húð, skinn eða gervi. Hleypa: Að hlaupa. Þjóðsaga: Hamhleypa er sá sem skiptir um ham eða skass, geðillur maður. | Vigoroth |
| 289 | Slakur | Slakur | Slakur: Máttlítill, sljór, óduglegur. Í nútíma þýðing einhver sem er áhyggjulaus, rólegur. | Slaking |
| 290 | Rótarsuga | Rótar-suga | Rót: Neðanjarðarhluti trjáa. Suga: Sýgur næringu. | Nincada |
| 291 | Þeysifluga | Þeysi-fluga | Þeysa: Að fara hratt. Fluga: Skordýr. | Ninjask |
| 292 | Ördeyða | Ör-deyða | Ör: Forskeyti sem táknar neitandi eða herðandi eða tómleika. Deyða: Dauði/dráp. Hugtak: Tómt hylki (ör) tengt dauðanum. Dularfullt: Þegar Þeysifluga þróast skilur hún eftir sig tóma skel. Skelin lifnar svo við. | Shedinja |
| 293 | Pískur | Pískur | Pískur: Hvísl eða lágt hljóð. | Whismur |
| 294 | Gargari | Garg-ari | Garg: Öskur. -ari: Gerandi. | Loudred |
| 295 | Ærandi | Ær-andi | Æra: Að gera heyrnarlausan. -andi: Lýsingarháttur. | Exploud |
| 296 | Glímukútur | Glímu-kútur | Glíma: Íslensk þjóðaríþrótt. Kútur: Lítill strákur. | Makuhita |
| 297 | Glímujötunn | Glímu-jötunn | Glíma: Bardagi. Jötunn: Stórvaxin vera. | Hariyama |
| 298 | Vatnakríli | Vatna-kríli | Vatn: Stöðuvatn. Kríli: Eitthvað mjög lítið. | Azurill |
| 299 | Áttviti | Átt-viti | Átt: Höfuðáttir (Norður, suður…). Viti: Vísar í vit (nef/munnur) eða vita (snúa í ákveðna átt). Orðaleikur: Nafnið er bein hljóðlíking við Áttavita. Nefið á honum er segulmagnað og vísar alltaf í norður. | Nosepass |
| 300 | Mjálingur | Mjá-lingur | Mjá: Kattahljóð. -lingur: Smækkunarorð, sbr kettlingur. | Skitty |
| 301 | Fínmjáll | Fín-mjáll | Fínn: Glæsilegur. Mjáll: Hvítur (ljós, birta, hreinleiki, fegurð) eða mjálm. | Delcatty |
| 302 | Smargörður | Smar-görður | Smaragður: Fagurgrænn gimsteinn. Görður: Vörn/gleraugu. | Sableye |
| 303 | Glefsir | Glefsir | Glefsa: Að bíta/glefsa. | Mawile |
| 304 | Járnlingur | Járn-lingur | Járn: Málmur. -lingur: Smækkunarending. | Aron |
| 305 | Stálbítur | Stál-bítur | Stál: Málmur. Bítur: Japla á með tönnunum. | Lairon |
| 306 | Stálvargur | Stál-vargur | Stál: Brynja, klæddur stáli. Vargur: Rándýr, útlagi eða skaðræðisdýr. | Aggron |
| 307 | Íhugull | Íhugull | Íhugull: Sá sem hugsar djúpt eða stundar hugleiðslu. | Meditite |
| 308 | Huggarpur | Hug-garpur | Hugur: Andlegur styrkur. Garpur: Hetja. | Medicham |
| 309 | Neistahvolpur | Neista-hvolpur | Neisti: Rafneisti. Hvolpur: Ungur hundur. | Electrike |
| 310 | Rafmakki | Raf-makki | Raf: Rafmagn. Makki: Fax (á hesti) eða efri hluti háls, einnig rakki (hundur). | Manectric |
| 311 | Rótari | Rót-ari | Róteind: Jákvætt hlaðin ögn. Slangur: Aðstoðarmaður (Roadie). | Plusle |
| 312 | Rafari | Raf-ari | Rafeind: Neikvætt hlaðin ögn. | Minun |
| 313 | Blysfluga | Blys-fluga | Blys: Eldur/ljós. Fluga: Skordýr. | Volbeat |
| 314 | Glóðarfluga | Glóðar-fluga | Glóð: Að glóa, logandi, rautt heitt efni í kolum. Fluga: Skordýr. | Illumise |
| 315 | Þyrnirós | Þyrni-rós | Þyrnirós: Ævintýrapersóna. | Roselia |
| 316 | Þambi | Þambi | Þamba: Að drekka/gleypa mikið. | Gulpin |
| 317 | Svelgur | Svelgur | Svelgur: Hylur eða sá sem svelgir í sig mat. | Swalot |
| 318 | Rifkjaftur | Rif-kjaftur | Rífa: Að tæta. Kjaftur: Munnur. | Carvanha |
| 319 | Tundurkarl | Tundur-karl | Tundur: Sprengiefni/Tundurskeyti. Karl: Vísun í hákarl. Orðaleikur: Hákarl sem er tundurskeyti. | Sharpedo |
| 320 | Hafbolti | Sjó-bolti | Haf: Sjórinn, hafið. Bolti: Hnöttur, kúla, eitthvað stórvaxið. | Wailmer |
| 321 | Hafhveli | Sjó-hveli | Haf: Sjórinn, hafið. Hveli: Hvalur, hvelfing, eitthvað bungulagað og stórt. | Wailord |
| 322 | Kvika | Kvika | Kvika: Bráðið grjót. | Numel |
| 323 | Kamelína | Kamel-ína | Kamel: Kameldýr. Kamína: Ofn, sérstök gerð af eldstó. | Camerupt |
| 324 | Kvikbaka | Kvik-baka | Kvika: Eldur. Baka: Skjaldbaka. | Torkoal |
| 325 | Skoppgrís | Skopp-grís | Skoppa: Að hoppa eða endurkastast (eins og bolti). Grís: Ungt svín. | Spoink |
| 326 | Seiðsvín | Seið-svín | Seiður: Forn norrænn galdur eða hugræn orka Svín: Klaufdýr. | Grumpig |
| 327 | Spandla | Span-dla | Spinna: Snúningur. Panda: Pandabjörn, dýr. | Spinda |
| 328 | Gryfjukjaftur | Gryfju-kjaftur | Gryfja: Hol/gildra. Kjaftur: Munnur. | Trapinch |
| 329 | Titringur | Titringur | Titringur: Hristingur | Vibrava |
| 330 | Sandreki | San-dreki | Sandur: Eyðimörk. Dreki: Skrímsli. | Flygon |
| 331 | Spíssþeytir | Spíss-þeytir | Spíss: Oddur. Þeytir: Sá sem kastar/þeytir. | Cacnea |
| 332 | Náttþyrnir | Nátt-þyrnir | Nátt: Nótt. Þyrnir: Gaddur/Kaktus. | Cacturne |
| 333 | Bláhnoðri | Blá-hnoðri | Blár: Liturinn. Hnoðri: Ullarhnoðri, skýjahnoðri. | Swablu |
| 334 | Söngvængja | Söng-vængja | Söngur: Lag. Vængja: Fluglimur fugls. | Altaria |
| 335 | Klómangur | Kló-mangur | Kló: oddhvöss nögl á dýrsfæti. Mangur: Ætt lítilla rándýra sem drepa eitraðar slöngur, mongús. | Zangoose |
| 336 | Hjuggormur | Hjugg-ormur | Höggva: Að slá/bítal, úr danska orðinu hugge. Ormur: Slanga Orðaleikur: Vísar í orðið höggormur | Seviper |
| 337 | Mánateinn | Mána-teinn | Máni: Tunglið. Steinn: Grjót. Hljóðlíking: Mánasteinn. | Lunatone |
| 338 | Sólgrýti | Sól-grýti | Sól: Stjarna. Grýti: Bergtegund. | Solrock |
| 339 | Leirskeggi | Leir-skeggi | Leir: Botnfall. Skeggi: Sá sem er með skegg (veiðihár). | Barboach |
| 340 | Vasskeggur | Vas-skeggur | Vatn: (Vass er talmál/framburður). Skegg: Veiðihár. | Whiscash |
| 341 | Klóalabbi | Klóa-labbi | Klær: Oddhvassar neglur á dýrum. Labbi: Gælunafn á krabba, smásnáði. | Corphish |
| 342 | Hrellilabbi | Hrelli-labbi | Hrella: Að hræða. Krabbi: skeldýr, skelfiskar | Crawdaunt |
| 343 | Leirsnúður | Leir-snúður | Leir: leðjukenndur jarðvegur. Snúður: Hlutur sem snýst. | Baltoy |
| 344 | Leirgoð | Leir-goð | Leir: leðjukenndur jarðvegur. Goð: Skurðgoð. | Claydol |
| 345 | Steilja | Stei-lja | Stein: Steingervingur. Lilja: Blóm. | Lileep |
| 346 | Hnilja | Hni-lja | Hneppa: Að binda/festa, króa, loka inni. Lilja: Blóm. | Cradily |
| 347 | Fornkló | Forn-kló | Forn: Gamall. Kló: Oddhvöss nögl á fæti dýra. | Anorith |
| 348 | Beltisgeir | Beltis-geir | Beltisdýr: Stuttfætt brynvarin spendýr. Geir: Vopn/spjót (klærnar). | Armaldo |
| 349 | Ræfill | Ræfill | Ræfill: Aumingi eða rýr (ljótur) fiskur. | Feebas |
| 350 | Mílódís | Míló-dís | Míló: Vísun í Venus frá Míló. Dís: Verndarvættur/gyðja. Menning: Míló vísar í marmarastyttuna Venus frá Míló. Goðafræði: Í norrænni goðafræði eru dísir kvenkyns verndarvættir, gyðjur eða fagrar verur. | Milotic |
| 351 | Veðurlíki | Veður-líki | Veður: Aðstæður í lofthjúp. Líki: Gervi/mynd. Eiginleiki: Grunnformið sem breytist eftir veðri. Önnur form þess eru: Bjartviðri, Vætutíð, Kafald | Castform |
| 351a | Bjartviðri | Bjart-viðri | Bjart: Skært/ljóst. Viðri: Veður. Veðurfræði: Gott veður og sólskin. | Sunny form |
| 351b | Vætutíð | Vætu-tíð | Væta: Rigning/vatn. Tíð: Tímabil/veðurfar. Veðurfræði: Vætutíð er notað yfir rigningartímabil. | Rainy form |
| 351c | Kafald | Kaf-ald | Kaf: Að vera í kafi/djúpt. -ald: Ending. Veðurfræði: Kafald er gamalt orð yfir mjög þétta snjókomu. | Snowy form |
| 352 | Litbrigðir | Lit-brigðir | Litur: litarefni; útlit, yfirbragð Bregða: breyting, umskipti, rof. Eiginleiki: Breytir um lit/gerð | Kecleon |
| 353 | Skuggabrúða | Skugga-brúða | Skuggi: Myrkur. Brúða: Leikfang. | Shuppet |
| 354 | Bölbrúða | Böl-brúða | Böl: Ólán/bölvun. Brúða: Leikfang. | Banette |
| 355 | Rökkurkúpa | Rökkur-kúpa | Rökkur: Hálf-myrkur. Kúpa: Hauskúpa. | Duskull |
| 356 | Myrklópi | Myr-klópi | Myrkur: Skuggi. Kýklópi: Eineygður risi úr grískum hetjusögum (Cyclops) | Dusclops |
| 357 | Hitabeltingur | Hitabelt-ingur | Hitabelti: Svæði við miðbaug jarðar. -ingur: Upprunaending. | Tropius |
| 358 | Hljómur | Hljómur | Hljómur: Tónn eða ómur. | Chimecho |
| 359 | Váboði | Vá-boði | Vá: Hætta. Boði: fyrirboði, sá sem tilkynnir, orðsending. Saga: Skynjar hamfarir fyrirfram og reynir að vara við, en var í gamla daga oft misskilinn sem orsakavaldur þeirra. | Absol |
| 360 | Kvíkki | Kv–íkki | Hví: Af hverju. Ekki: Neitun. Orðaleikur: Hljóðlíking við hví-ekki | Wynaut |
| 361 | Snjókríli | Snjó-kríli | Snjór: Frosin úrkoma. Kríli: Lítil vera. | Snorunt |
| 362 | Frostgríma | Frost-gríma | Frost: Kuldi. Gríma: Andlitshula, dulargervi. | Glalie |
| 363 | Kúluselur | Kúlu-selur | Kúla: Hnöttur. Selur: Sjávarspendýr. | Spheal |
| 364 | Séljón | Sé-ljón | Selur: Dýrið. Ljón: Konungur dýranna. Orðaleikur: Hljómar eins og Sæljón. | Sealeo |
| 365 | Rostkóngur | Rost-kóngur | Rostungur: Stórt sjávarspendýr. Kóngur: Æðsti valdsmaður ríkis. | Walrein |
| 366 | Perluskel | Perlu-skel | Perla: Dýrgripur. Skel: Hlíf. | Clamperl |
| 367 | Ginur | Gin-ur | Gin: Stór kjaftur. -ur: Karlkynsending. | Huntail |
| 368 | Djúpdís | Djúp-dís | Djúp: Hafið. Dís: Fögur vættur. | Gorebyss |
| 369 | Fornuggi | Forn-uggi | Fortíð: Gamall tími. Uggi: Sundfæri fiska. Náttúrufræði: Byggir á raunverulegum fiski, Blágómu, sem er ættaður af fornum steinbítsættum. Er í útrýmingahættu. | Relicanth |
| 370 | Hjartahlýri | Hjarta-hlýri | Hjarta: Ást, hjartalaga. Hlýri: Fisktegund. Orðaleikur: Hljómar eins og hjartahlýja | Luvdisc |
| 371 | Skalladreki | Skalla-dreki | Skalli: Höfuðhögg. Dreki: Skrímsli, goðsagnadýr. | Bagon |
| 372 | Skeldreki | Skel-dreki | Skel: Hörð hlíf. Dreki: Skrímsli, goðsagnadýr. | Shelgon |
| 373 | Ógnardreki | Ógnar-dreki | Ógn: Hætta/hræðsla. Dreki: Skrímsli, goðsagnadýr. | Salamence |
| 374 | Bjölluketill | Bjöllu-ketill | Ketilbjalla: Líkamsræktartæki. Orðaleikur: Orðinu snúið við (Bjöllu-Ketill). | Beldum |
| 375 | Parketill | Par-ketill | Par: Tveir. Ketill: Ketilbjalla. | Metang |
| 376 | Kvartill | Kvart-ill | Kvartett: Fjórir (í hljómsveit). Ketill: Ketilbjalla, líkamsræktartæki. | Metagross |
| 377 | Steinvörður | Stein-vörður | Steinn: Grjót. Vörður: Sá sem vaktar eitthvað, eftirlitsmaður. | Regirock |
| 378 | Ísvörður | Ís-vörður | Ís: Klaki. Vörður: Sá sem vaktar eitthvað, eftirlitsmaður. | Regice |
| 379 | Stálvörður | Stál-vörður | Stál: Málmur. Vörður: Sá sem vaktar eitthvað, eftirlitsmaður. | Registeel |
| 380 | Hilling | Hilling | Hilling: Hillingar eru sjónhverfingar í náttúrunni. | Latias |
| 381 | Vitrun | Vitrun | Vitrun: Sýn eða opinberun. | Latios |
| 382 | Hafgúa | Haf-gúa | Hafgúa: Þjóðtrú, risavaxin vera í sjó sem líktist eyju. | Kyogre |
| 383 | Surtur | Surtur | Surtur: Risi úr norrænni goðafræði. Goðafræði: Jötunninn Surtur mun koma frá Múspellsheimi (eldheimi) og eyða jörðinni í eldi (Ragnarök). | Groudon |
| 384 | Vindhöggur | Vind-höggur | Vindur: Loft. Höggur: Vísun í drekann Níðhögg. Goðafræði: Vísun í Níðhögg, einn frægasta dreka norrænnar goðafræði sem nagar rætur Yggdrasils. | Rayquaza |
| 385 | Óskastjarna | Óska-stjarna | Ósk: Vilji/löngun. Stjarna: Himintungl. | Jirachi |
| 386 | Skerðhvati | Skerð-hvati | Skerða: Skera, taka af eða takmarka Hvati/ensím: efni sem flýtir efnabreytingum Vísindahugtak: Skerðiensím sér um að klippa í sundur DNA kjarnsýrur. | Deoxys |
Fjórða kynslóð (óstaðfest)
Kynslóð fjögur er í vinnslu, áætluð útgáfa um mitt ár 2027
| Númer | Nafn | Upprunaorð | Þýðing | Enska |
|---|---|---|---|---|
| 387 | Turtwig |